Dokter

Ada kata tu dokter, depe nama Dr. Bambang, S. Pd (Internist), asli dari Jakarta and

tamatan UI.. kong kaweng deng orang Sanger. Serta so kaweng di Jakarta, tu Dr. Bambang tanya pa depe bini, Ma.. saya bagusnya buka praktek di mana..?? Depe bini jawab, di kampung Saya aja pa di Sanger.

Lantaran ini Dr. Bambang pe sayang skali pa bini, akhirnya dorang dua pigi berangkat pulang ke sanger.

Pas so tinggal di sanger, Dr. Bambang deng depe bini langsung beking depe papan nama, samua persiapan so siap, kong langsung buka praktek.

Hari pertama, pasien pertama, tu tanta depe nama Usi..

Usi : Slamat Malam Dok..

Dok : Malam bu, ada sakit apa yah..??

Usi : Kokehe, Dok..

Dok : ( Dr. Bambang langsung bingung, maklum orang Jakarta toh)

Kong Dokter lia pa depe buku daftar panyaki, ndak ada panyaki depe

nama kokehe, mar lantaran dokter nimau menyerah dokter mo cari

tau trus tu panyaki.

Dok : Biasanya, kalau ibu 'Kokehe' rasanya gimana yah..??

Usi : Gergantang rasa gatal, Dok..

Dok : (Dr. Bambang cari tu kata 'Gergantang', buka para buka itu buku Medis, nyanda ad di buku, so lebe pusing tu Dr. Bambang, mar blum mo menyerah. Dia mo cari tau trus)

Dok : Ibu biasanya kalau 'Kokehe' trus 'Gergantang' gatal, lalu minum apa..??

Usi : Goraka, dok..

Dok : ( Dr. Bambang cari tu Goraka, nyanda ada leh di daftar pa dia pe Buku Medis.. akhirnya Dr. Bambang garo kapala kong menyerah)

Dok : Maaf yah bu.. cari Dokter lain aja yah..

Pas itu Usi/ Ibu pe kaluar, abis itu maso pasien no 2, so Pace-pace..

Om : malam, Dokter

Dok : slamat malam pak, boleh tau sakit apa yah..??

Om : Kita pe Panta Leher span, Dok...

Dok : ..?? (Dokter pe pusing blum ilang dgn tu Kokehe, so tatambah pusing leh deng panyaki baru)

Dok : Pak, kalau mau berobat satu-satu yah, Pantat dulu baru Leher..Om : Adoohh Dokter apa leh ini, sudah joh lebe bae Kita berobat pake Obat Makatana.